Einisch um d Wäut von Benjamin Spreng
Inhalt Jede Abe fragt sich der Lele bevor är is Bett geit, wie‘s ächt a au de Orte uf dere grosse Wäutcharte i sim Zimmer usgseht. Mitem Müsli Leo stigt är ine Ballon u si starte ä wundervolli Reis um d Wäut. Autoreninfo Benjamin Spreng isch ä Grafik- u Webdesigner wo scho lang mau het wöue äs Chinderbuech mache. Nach dr Geburt vo sim Sohn het är ändlech ä Grund gfunde, das Projekt z starte. Meine Meinung Ändlech widermau äs mundart Biuderbuech, isch mi erscht Gedanke gsi woni das Buech ide Finger ha gha. Scho z Titubiud verspricht äs grosses Abentür und i bi sehr gespannt gsi. Dr Lele isch d Houptperson. Dr Bueb het i sim Zimmer ä grossi Wäutcharte und fragt z Müsli idr Luftballon-Lampe, wies äch i dene Länder usgseht. Im Schlaf reist är mitem Müsli dür au die wunderbare Länder und erläbt eis Abentür nachem angere. Überau macht z Müsli äs Foto, damit sie die Abentür nie vergässe. Aber die Angscht cha z Müsli vergässe. Dr Lele isch begeischteret und sprudlet vor Begeischterig am nächs...